Ngrajegang Budaya Bali
Inggih
Ida dane sareng sami, utamanipun : bapak guru sane dahat wangiang titiang.
Punika taler timpal-timpal sane sehin titiang.
Sadurung
titiang maatur-atur, ngiring sareng sami suksmaning manah pamekas majeng ring
Ida Sang Hyang Widhi Wasa, malarapan antuk pasuecan Ida, iraga sareng sami
prasida makumpul iriki, manggihin kerahayuan sekadi mangkin.
Bapak guru sane dahat wangiang titiang
ring gaahe sane becik punika, lugrayang titiang matur sumatra nganinin indik
“Om Swastyastu”
Mogi-mogi sangkaning pasuecan lan asung kertha wara
nugraha Ida, prasida tityang ngiring Ida dane sareng sami ngamangguhang
karahayuan lan kerahajengan jagat. Ring genah lan galahe sane becik puniki,
lugrayang tityang matur amatra sane mamurda ”Ngrajegang Budaya Bali”.
Kawentenan pulo Baline pinaka pulo wisata budaya sane sampun kaloktah doh
kantos ke dura Negara. Sampun sami uning tur pawikan, punika sami ngawinang
jagat Baline kaparinama olih para janane "pulau seribu pura, pulau dewata,
pulau surga utawi the last paradise". Napi sane ngawinang pulau Baline
kaparinama asapunika?
Sane ngawinang pulau Baline kaparinama asapunika tur kasenengin olih para
janane boyaja tios, punika santukan keasrian palemahan pulau Baline, katuku malih
antuk seni lan budaya maka miwah para jana Baline sane ngandap kasor utawi kuma
warga, sami punika kadasarin antuk Agama Hindu sane pinaka dasar mapineh jatma
Balin. Nepek pisan ring tetuek miwah pemarginyane minakadi Panca Yadnya sane
kabaos ring kecap sastra agama. Punika kamanah antuk titiang mawinang jagat
Baline kasub kadura negara.
Sane
mangkin manawita majalaran sane sampun odar titiang. Pinunas titiang ring ida dane sareng sami
ngiring dabdabin antuk kasuskertaan jagat Baline mangda kayang kawekas ajeg lan
lestari.
Silih sinunggil sane kanggen nguratang
tur ngewerdiang seni budaya inggih punika wantah Basa Bali, Tetabuhan lan
Tari-Tarian druene sane pinaka tetamian utawi warisan saking leluhur Bali.
Punika ngawinang iraga patut bangga dados generasi penerus Bali. Pinunas
titiang sumangdane budayane nenten rusak tur punah, ngiring sareng-sareng
lestariang budaya Baline.
Mangdane iraga nenten kabaos ”kadi
katak sane wenten ring sor tunjunge”, i kekupu saking doh ipun ngrasayang
kamiikan ipun i sekar tunjung, sakewala i katak sane setata nyongkok nenten
ngraseyang kamiikan i sekar tunjung sane kalintang ngulangunin.
Sukseman ipun iraga jagat Baline akeh
pisan madue seni budaya, sane luihinkabaos adiluhung, ngawinang akeh para
jnanene saking dura negara delet pisan manah ipun ngantenang seni budaya
druene, sakewenten iraga sane magenah ring Bali nenten pati rungu kapining
budaya druene, mangde nenten sekadi asapunika. Basa Baline silih tunggil pinaka
pangeling iraga wantah jatma Bali, punika sane mawinang iraga mangda tetep
ngangge basa Bali rikalaning mabaos sajeroning pagubukan utawi pesawitra.
Yening iraga nenten ngangge basa Bali sinah kasujatiang iraga dados jatma Bali
sane ical utawi ilang.
Inggih ida dane sane tresna sihin
titiang, yadiastun mangkn makueh pengaruh-aruh sane makta budaya miwah seni
sane jaga nyaihin wiadin munahang seni budaya Baline. Sakewenten yening ida
dane sareng sami eling ring kawentenang sastra Bali prasida antuk nyaringin
pengaruh seni budaya sane jaga nrangsuk ring sejeroning budaya Baline.
Mewanti-wanti titiang mapinunas ring
ida dane sareng sami mangda nganggen basa Bali druene mangda tetep ajeg tur
lestari.
Kadi asapunika titiang prasida
matur-atur ring galahe sane becik puniki, mogi-mogi wenten pikonohipun. Ring
wesananing atur, banget titiang nglungsur geng rena pengampura pet wenten atur
titiang sane nenten munggah ring arsa. Matur suksma antuk ring uratian ida-dane
sinamian, Pinaka panguntat, puputang titiang antuk parama santih.
”Om Santih, Santih, Santih, Om”
l
BalasHapus